Վրաստանը չի ճանաչում Ղրիմի հանրաքվեն, որը տեղի ունեցավ մարտի 16-ին Ռուսաստանի զինված ուժերի կողմից ճնշման և միջազգային իրավունքի, Ուկրաինայի օրենսդրության անտեսման ֆոնին: Այս մասին հաղորդում է Trend գործակալությունը՝ վկայակոչելով Վրաստանի ԱԳՆ պաշտոնական հայտարարությունը:
«Ղրիմն անեքսիայի ենթարկելու Ռուսաստանի փորձերը պարտավորվածությունների կոպիտ խախտում է, որոնք Ռուսաստանը ստանձնել է ինչպես երկկողմանի, այնպես էլ բազմակողմանի համաձայնագրերի շրջանակներում»,-ասվում է հաղորդագրության մեջ:
Վրաստանի ԱԳՆ-ն իր աջակցությունն է հայտնել Ուկրաինայի ինքնիշխանությանը, միջազգայնորեն ճանաչված սահմանների շրջանակներումտարածքային ամբողջականությանը և միջազգային հանրությանը կոչ է արել համատեղ ուժերով ստիպել Ռուսաստանին վերադարձնել զինված ուժերը նախնական դիրքեր, անհապաղ թուլացնել Ղրիմում և Ուկրաինայի այլ շրջաններում տիրող լարվածությունը:
«Մենք կոչ ենք անում ուղիղ բանակցություններ սկսել Ուկրաինայի ղեկավարության հետ և համագործակել միջազգային հանրության հետ՝ ստեղծված դրությունից ելք փնտրելու համար»,- ասվում է Վրաստանի ԱԳՆ հայտարարության մեջ:
