Այսօր՝ հունիսի 21-ին, հրավիրվել է Ազգային ժողովի արտահերթ նիստ:
«Իմ քայլը» խմբակցության պատգամավոր Գևորգ Պապոյանը, անդրադառնալով «Լուսավոր Հայաստան» խմբակցության պատգամավոր Անի Սամսոնյանի ելույթին, ասաց. «Տիկին Սամսոնյանը դիլետանտ համարեց մի նախագիծ, որի վրա ամիսներ շարունակ աշխատել եմ ոչ միայն ես, այլև նախարարության և ՏԻՄ-երի տասնյակ մասնագետներ: Մի նախագիծ, որը հանձնաժողովում միաձայն դրական եզրակացության է արժանացել, այդ թվում՝ «Լուսավոր Հայաստանի» մեր գործընկերների կողմից»:
Նրա խոսքով՝ չօգտագործվող տարածքի համար աղբ չի կարող վճարվել. «Դիլետանտիզմ է, երբ դրա համար պետք է վճարել»:
Գևորգ Պապոյանը եզրակացրեց. «Կա՛մ տիկին Սամսոնյանը օրենքը չի կարդացել և որոշեց հերթական պոպուլիստական ելույթը ունենալ, կա՛մ կարդացել է և չի հասկացել, կա՛մ կարդացել է և լավ էլ հասկացել է, բայց պոպուլիզմը գերադասեց բանականությունից»:
Մանրամասները՝ տեսանյութում: