Անգլիացի Ռոջեր Գրիֆիթսը, որն աշխատում էր ՏՏ ոլորտի մենեջեր, 2005-ին 2,7 մլն դոլար ջեք-փոթ էր շահել ազգային վիճակախաղով, հայտնում էր fedpost.ru-ն:
Անսպասելի հարստությունից Գրիֆիթսի ընտանիքը գլուխը կորցրել էր ու ձեռնամուխ եղել փողերը քամուն տալուն: Ամուսինների առաջին գործը Արևմտյան Յորքշիրում 67 0000 ֆունտ ստերլինգով շքեղ տուն ձեռք բերելն էր:
Իր որդուն տղամարդն ընդունել էր տվել տարեկան 10 հազար ֆունտ ստերլինգ արժողությամբ էլիտար մասնավոր դպրոցում:
Անգլիացին որոշել էր ներդրումներ կատարել գեղեցկության սրահում, ապա՝ կնոջ հետ ճանապարհորդել՝ հանգստանալով Մոնակոյի, Նյու Յորքի ու Դուբայի ամենաշքեղ հյուրանոցներում:
Շուտով ֆինանսական ճգնաժամի հետևանքով սկսել էր կորուստներ կրել Գիրֆիթսների գեղեցկության սրահը: 2 տարի անց հրդեհի ճարակ էր դարձել շքեղ իրերով լցված նրանց տունը:
Ֆինանսական խնդիրների հետևանքով վատացել էին նաև ամուսինների հարաբերությունները, և նրանք որոշել էին ամուսնալուծվել:
Արդյունքում 42-ամյա տղամարդը տեղափոխվում է ապրելու ծնողների հետ:
