Այսօր՝ հունիսի 20-ին, շարունակվում է Ազգային ժողովի նիստը: Այժմ քննարկվում է Բարձրագույն դատական խորհրդի անդամի ընտրության հարցը: «Իմ քայլը» խմբակցությունը առաջադրել է Գրիգոր Բեքմեզյանի թեկնածությունը:
«Օնլայն ռեժիմով հետևելով Քոչարյանի և մյուսների դատավարությանը՝ ես հասկացա, որ Հայաստանում դատական համակարգի նկատմամբ ոչ միայն վստահություն չկա, այլև չկա հարգանք՝ ինչպես հասարակության, դատավարության մասնակիցների, այնպես էլ լրագրողների կողմից: Մեր հաջորդ գործողությունները պետք է կառուցենք հաշվի առնելով այս իրողությունը. հարգանքն ու վստահությունը փոխկապակցված են»,- նշեց թեկնածուն:
Նրա խոսքով՝ յուրաքանչյուր դատավոր տարեկան քննում է մոտ 1000-ից ավելի գործ, բայց ստանում է ընդամենը 500 հազար դրամի չափով աշխատավարձ. «Ո՞րն է դատավորի մոտիվացիան, որ ինքը արդար քննի այդ գործերը: Այն դատավորները, որոնց դեմ կան կոմպրոմատներ, երբեք չեն կարող գործել արդար և օբյեկտիվ»:
Թեկնածուն նշեց, որ վեթինգը պետք է լինելու ոչ թե դատավորներից ազատվելու, այլ դատական համակարգը մաքրելու միջոց:
Մանրամասները՝ տեսանյութում:
