MTV Movie & TV Awards մրցանակաբաշխության անվանակարգերի թվով առաջատարը «Վրիժառուները. Եզրափակիչ» ֆիլմն էր և «Գահերի խաղը» ֆանտաստիկ շոուն, գրում է The Hollywood Reporter-ը:
«Վրիժառուների» եզրափակիչ մասը «ադիբուդիի» երեք ոսկե արձանիկներ է տարել լավագույն ֆիլմի, լավագույն հերոսի (Ռոբերտ Դաունի-կրտսեր) և լավագույն չարագործի (Ջոշ Բրոլին) համար:
«Գահերի խաղը» հաղթել է «լավագույն սերիալ» անվանակարգում:
Սերիալում լավագույն դերի համար մրցանակը ստացել է Էլիզաբեթ Մոսը՝ «Աղախնի պատմությունները» ֆիլմից, իսկ Լեդի Գագան արձանիկի է արժանացել «Աստղ է ծնվել» ֆիլմում «լավագույն կատարում» անվանակարգում հաղթելու համար:
