Մեծ Բրիտանիայի իշխանությունները զարմացրել են աշխարհին, հանրությանը ներկայացնելով նոր ճանապարհային նշան՝ ոզնու պատկերով կարմիր եռանկյունի:
«Մենք մշտապես մտածում ենք մեր երթուղիներն ավելի անվտանգ դարձնելու մասին: Մոտոցիկլիստները հատուկ ռիսկի են ենթարկվում, այս նշանը նրանց կզգուշացնի փոքր կաթնասունների մասին»,- նորույթը մեկնաբանել է տրանսպորտի նախարար Քրիս Գրեյլինգը:
Նա տխուր վիճակագրություն է մեջբերել. 2017-ին ճանապարհներին տարբեր կենդանիների հայտնվելու հետևանքով 629 մարդ է տուժել, չորսը մահացել են: Բացի այդ, 20 տարիների ընթացքում գյուղական վայրերում ոզնիների պոպուլյացիան կրկնակի կրճատվել է: Նախարարը դիմել է հոգատար քաղաքացիներին խնդրանքով՝ հուշել վայրերը, որտեղ նման նշաններ տեղադրելու անհրաժեշտություն կա:
