Այսօր՝ հունիսի 18-ին, Ազգային ժողովում հրավիրել է 7-րդ գումարման 2-րդ նստաշրջանը: Այժմ քննարկվում է Սահմանադրական դատարանի դատավորի ընտրության հարցը: ՀՀ նախագահը ՍԴ դատավորի թափուր տեղի համար առաջադրել է Վահե Գրիգորյանի թեկնածությունը:
«Զգո՞ւմ եք արժեհամակարգային լուրջ տարբերություն՝ կապված այն իրավիճակի հետ, որ այսօր առկա է ՍԴ-ում: Որո՞նք են լինելու Ձեր առաջին քայլերը այդ բարդ իրավիճակում»,- Վահե Գրիգորյանին հարցրեց «Իմ քայլը» խմբակցության պատգամավոր Տաթև Հայրապետյանը:
Պատգամավորը նաև հետաքրքրվեց, թե թեկնածուն ինչ ընկերական հարաբերություններ ունի «Իմ քայլի» որոշ պատգամավորների հետ:
Վահե Գրիգորյանը ի պատասխան ասաց. «Ես չեմ թաքցնելու՝ ընկերներ ունեմ «Իմ քայլը» դաշինքում, տարբեր քաղաքական խմբավորումներում. դրանում ոչ մի տարօրինակ բան չկա: Բայց մեր ընկերությունը եղել է գաղափարական հիմքի վրա՝ մեր ընդհանուր երազանքի շուրջ: Այն պահից, երբ ես ընտրվեմ՝ դատավորներն ընկերներ չեն ունենում այլևս»:
Մանրամասները՝ տեսանյութում: