Հունիսի 14-ին ավարտվեց Հայաստանի երկրորդ նախագահ Ռոբերտ Քոչարյանի գործով դատական նիստը։ Այն կշարունակվի հունիսի 18-ին։ Նիստի ընթացքում խոսեց նաև Ռոբերտ Քոչարյանը՝ զգուշացնելով կողմերին, որ տարիներ անց այս գործի հետ կապված շատերը պատասխան են տալու։ Նա դատավորին ուղղված խոսքում նշեց, որ դա «դատավորի թափի գործը չի», և որ «սա կարված գործ է, որի տակից շատ դժվար կլինի դուրս գալ»:
«Եթե կինոյի ժանրի վերածենք, սա քաղաքական դետեկտիվ է,- «Առաջին լրատվական»-ի հետ թեմայի շուրջ զրույցում ասաց ռեժիսոր Հրանտ Վարդանյանը:- Չգիտեմ այդ ինչ հույսեր կան. դեռ մեղադրանքը հանված չէ, և մեղադրյալն արդեն խոսում է ուրիշների պատժվելուց»:
«Դատական համակարգը վերափոխվում է, պետք է հասնել նրան, որ դատարանն անկախ լինի: Դատարանն այսօր անկախ չէ, այդ համակարգում աշխատողներից շատերը Քոչարյանի օրոք են նշանակվել: Այս ամենը երկար չի կարող տևել…
Ռ. Քոչարյանն առաջինն էր, որի կառավարման օրոք միտինգների ժամանակ ջարդեցին ու ծեծեցին ժողովրդին: Բաղրամյան փողոցում իմ լավագույն ընկերոջը՝ օպերատոր Լևոն Գրիգորյանին անճանաչելիության աստիճանի ծեծել էին: Գազանաբար ժողովրդին ծեծող, ժողովրդի վրա կրակող… այդ ամենը տեղի է ունեցել Քոչարյանի օրոք… Հայաստանում իսպառ պետք է մոռացվի եղբայրասպանությունը: Եթե մի ղեկավարի օրոք մասսայական սպանություն է տեղի ունեցել, և տասը մարդ է սպանվել, ապա եթե նա թասիբ ունենար, ինքն իրեն պիտի գնդակահարեր, գործը չպետք է հասներ դատավարության»:
Մանրամասն՝ տեսանյութում: