Դատարանն այսօր քննում է ԱԺ նախկին պատգամավոր, գեներալ Մանվել Գրիգորյանի խափանման միջոցը փոխելու վերաբերյալ պաշտպանների միջնորդությունը:
Նիստը նախագահող դատավոր Նարինե Հովակիմյանն ընթերցեց գրություն, համաձայն որի՝ Մանվել Գրիգորյանը Դատապարտյալների հիվանդանոցում թույլ չի տալիս իրեն բուժզննման ենթարկել, անգամ չի թողնում ստուգել զարկերակային ճնշումը:
Մանվել Գրիգորյանի փաստաբան Լևոն Բաղդասարյանն ասաց, որ Գրիգորյանին իր կամքին հակառակ են տեղափոխել դատապարտյալների հիվանդանոց:
«Նրան հարկադրաբար տեղափոխել են դատապարտյակլների հիվանդանոց, դա մենք դիտարկում ենք անօրինական այնքանով: Հայաստանի Հանրապետության կառավարության ցուցումով պետական լիազոր մարմինը նրան տեղափոխեց քաղաքացիական հիվանդանոց այն բանից հետո, երբ մենք անհապահ միջոցների հետ կապված դիմել էինք Մարդու իրավունքների եվրոպական դատարան:
Եվ կառավարությունը ՄԻԵԴ առաջ պարտավորություն ստանձնեց, որ քաղաքացիական հիվանդանոցում պետք է բուժի: Դա է պատճառը, որ պաշտպանյալը հրաժարվել է Դատապարտյալների հիվանդանոցում բուժօգնություն ստանալուց»,- նշեց նա: