Չիլիացի եպիսկոպոսը, որը նշանակվել էր Հռոմի Պապ Ֆրանցիսկոսի կողմից շուրջ մեկ ամիս առաջ, հրաժարական է տվել ընդամենը մի քանի ամիս անց, երբ երկիմաստ մեկնաբանություն էր արել «Խորհրդավոր ընթրիք»-ում կանանց բացակայության մասին, գրում է The Guardian-ը:
Հռոմի Պապը Կառլոս Էուհենիո Իրարազավալին նշանակել էր սեռական ոտնձգությունների հետ կապված աղմկոտ սկանդալի հետո եկեղեցու հեղինակությունը վերականգնելու համար:
Չի նշվել հրաժարականի պատճառը, սակայն հայտարարվել է, որ Հռոմի Պապն ընդունել է եպիսկոպոսի հրաժարականը «հանուն միաբանության և եկեղեցու բարօրության»:
Եպիսկոպոսը մայիսին կայացած հեռուստատեսային հարցազրույցի ժամանակ ասել է, որ «Խորհրդավոր ընթրիքի» ժամանակ սեղանի շուրջ կանայք չեն եղել, և որ «մենք պետք է դա հարգենք»:
«Հիսուս Քրիստոսը որոշումներ էր կայացնում, և դրանք գաղափարախոսական չէին… և մենք ցանկանում ենք հավատարիմ լինել Հիսուս Քրիստոսին»,- ասել է նա կանանց բացակայության առնչությամբ: Նա նաև ասել է, որ, հնարավոր է, կանանց դուր է գալիս լինել հետևի սենյակում:
Մեկնաբանությունները բացասական արձագանք էին առաջացրել կանանց խմբերի և Չիլիի եկեղեցու քննադատների շրջանում:
Իրարազավալը կշարունակի ծառայել եկեղեցուն որպես քահանա Սանտյագո: