Հայաստանի ազատ ոճի ըմբշամարտի հավաքականի երկրորդ կազմը կմասնակցի Լոս Անջելեսում մարտի 15-16-ին անցկացվելիք աշխարհի գավաթի 42-րդ խաղարկությանը:
10 երկրների հավաքականները բաժանվել են երկու խմբի: Առաջինում ընդգրկված են Հայաստանի, Իրանի, ԱՄՆ-ի , Թուրքիայի և Հնդկաստանի, իսկ երկրորդում` Ռուսաստանի , Ուկրաինայի, Վրաստանի, Մոնողոլիայի, Ճապոնիայի ըմբիշները: Գործող գավաթակիրը Իրանի մարզիկներն են:
Հայաստանի պատվիրակության ղեկավարն է նախկին ըմբիշ , «Սևան » ԳՄ հանրապետական խորհրդի նախագահ , ԱԺ պատգամավոր Բազմասեր Առաքելյանը: Մարզիչներն են Արայիկ Բաղդատյանը, Հովսեփ Հովսեփյանը և Հաբեթնակ Կուրղինյանը:
Մրցումներին կմասնակցեն Արտակ Հովհաննիսյանը (57 կգ, Արմավիր), Վոլոդյա Ֆրանգուլյանը (61 կգ , Երևան), Արթուր Առաքելյանը (65 կգ , Երևան), Դավիթ Ափոյանը (70 կգ , Ախուրյան), Վարուժան Կոջոյանը (74 կգ , Երևան), Վահե Թամրազյանը (86 կգ , Երևան), Վիկտոր Կազիշվիլին (97 կգ , Երևան) և Անդրանիկ Գալստյանը (մինչև 125 կգ , Ապարանի Քուչակ):
Մեր պատվիրակները կմրցեն հաջորդաբար ԱՄՆ –ի , Իրանի , Հնդկաստանի Թուրքիայի ըմբիշների հետ :
ՀԱՕԿ մամլո ծառայություն:
