Այսօր՝ հունիսի 10-ին, Ազգային ժողովում հրավիրել է արտահերթ նիստ: Պետական կառավարման համակարգի մարմինների մասին օրենքում փոփոխություններ կատարելու հարցը 2-րդ ընթերցմամբ քվեարկելուց առաջ «Լուսավոր Հայաստան» խմբակցության ղեկավար Էդմոն Մարուքյանը հայտարարեց. «Այս օրենքի նախագիծը եկել է խորհրդարան և քննարկվել է ու այժմ պետք է քվեարկվի սահմանված ընթացակարգերի խախտմամբ»:
Նրա խոսքով՝ պետաիրավական հանձնաժողովը պետք է նիստ գումարեր. «Սակայն հասկացել է, որ կառավարությունը ուշացած է օրենքը բերել, ավելին ասեմ՝ չկա որևէ մեկը այնտեղ, որ հետևի, որ երբ ժամկետը լրանում է օրենքի գործունեության, մեկ ամիս շուտ բերեն, որպեսզի նման իրավիճակում մենք չհայտնվենք և հանգիստ քննարկենք, նաև մեր մտահոգություններն արտահայտենք»:
Նա նշեց, որ առաջին ընթերցման ժամանակ իրենց խմբակցությունը ձեռնպահ է քվեարկել՝ հույս ունենալով, որ պետաիրավական հանձնաժողովը նիստ կգումարի, իսկ այժմ դեմ են քվեարկելու. «Սա ուղերձ է կառավարությանը. ինչ-որ մեկին հորդորեք, որ օրենքների ժամկետներին հետևեն, հետո չբերեք 24 ժամում մեզ էստեղ օրենք ընդունել տաք»:
Մանրամասները՝ տեսանյութում:
