Չինաստանի Հանսու նահանգում որոշ ծնողներ իրենց երեխաների ընդունելության քննություններից առաջ գիշերը զոհաբերության թղթդրամներ են այրել, հաղորդում է Shanghaiist-ը: Ուրբաթ օրը Չինաստանում սկսվել է գոակոն՝ բուհերի համաչինական ընդունելության քննությունները, ինչը շատ կարևոր է շրջանավարտների ապագայի համար: Բային քաղաքի (Հանսու նահանգ) անհանգստացած ծնողները որոշել են աստվածներից օգնություն խնդրել իրենց երեխաների համար: Նրանք քննություններին նախորդող գիշերը զոհաբերություններ են այրել դպրոցի ետնաբակում, որտեղ պետք է տեղի ունենային քննությունները: Դպրոցի անվտանգության աշխատակիցները փորձել են կանգնեցնել ծնողներին, սակայն նրանք անզոր են, եթե ծնողները դա անում են գիշերը կամ դպրոցի մուտքից հեռու: Չինացի օգտատերերին շփոթեցրել է ծնողների վարքագիծը. սովորաբար զոհաբերություններն այրում են, եթե մարդ է մահանում:
Ցանցում որոշ մեկնաբանություններում քննությունները համեմատել են թաղման ծեսի հետ:
