Վիեննայում Ավստրիայի ոստիկանությունը ԱՄՆ Հետախուզության դաշնային բյուրոյի հարցմամբ ձերբակալել է ուկրաինացի ձեռնարկատեր Դմիտրի Ֆիրտաշին՝ կազմակերպված հանցավոր խմբավորման ստեղծմանը մասնակից լինելու կասկածանքով: Այս մասին հաղորդում է ITAR-TASS-ը՝ վկայակոչելով քրեական ոստիկանության Ավստրիայի գերատեսչությանը:
Ֆիրտաշը «Գազպրոմ»-ի հետ համատեղ «ՌոսՈւկրԷներգո» ձեռնարկության 45%-ի սեփականատերն է: Ուկրաինական ԶԼՄ-ների տվյալներով՝ նա Ուկրաինայի ամենահարուստ մարդկանց վարկանիշային աղյուսակում զբաղեցնում է չորրորդ հորիզոնականը՝ ավելի քան 3 միլիարդ դոլար կարողությամբ:
Ֆիրտաշն իր եկամուտների զգալի մասը ստացել է Ուկրաինա և Կենտրոնական Եվրոպա ռուսական գազի մատակարարումից:
Դեռևս 2010թ. ԱՄՆ իշխանությունները կասկածներ ունեին, որ Ֆիրտաշը կապված է Սեմյոն Մոգիլևիչի հետ, ով պատկանում է Հետախուզության դաշնային բյուրոյի կողմից ամենահետախուզվող տասը անձանց թվին: Ուկրաինայի այդ ժամանակվա վարչապետ Յուլյա Տիմոշենկոն ևս հաստատում է «ՌուսՈւկրԷներգո»-ի կապերը հանցավոր աշխարհի հետ:
