Tuesday, 19 01 2021
Tuesday, 19 01 2021
Որ դեպքում տնտեսվարողի տուգանքը չի կարող լինել 50 տոկոսից ավելի. Պարզաբանում է ՏՄՊՊՀ նախագահը
Ջրոցի է գնում. ինչու պատերազմից հետո դավաճանության հոդվածով քրեական գործեր չեն հարուցվում
12:23
Ավիահարված է հասցվել Իրաքի կենտրոնական շրջանին
Ուղիղ․ Կստեղծվեն ԱԹՍ կրթական աշխատանոցներ․ ԱՏՁՄ ներկայացուցիչների ասուլիսը
Բացահայտվել են աշխատողի չձևակերպման ու ՀԴՄ-ի կիրառման կանոնների խախտման դեպքեր. ՊԵԿ
Բա բացահայտեիք. Գևորգ Պապոյանը հանձնաժողովի աշխատանքը համեմատեց Կոզբադինի խոստումների հետ
12:05
Ճապոնիայում 60-ից ավելի մարդ Է զոհվել ձյունը մաքրելիս
Ու բոլորին թվում է, թե մարդիկ այդ ամենը չեն հասկանում. ինչ են մտածել ավելի քան քառորդ դար
11:55
ԱՀԿ-ն քննադատել է Չինաստանի անգործությունը՝ կորոնավիրուսի բռնկման առաջին օրերին
Վնասով աշխատող հանքարդյունաբերողը մի քանի միլիարդ դրամ է ուղղում բարեգործությանը. Բաբկեն Թունյան
Իրանում ՀՀ դեսպանը Իրանի բարձրաստիճան պաշտոնյայի հետ քննարկել է տնտեսական հարաբերությունների զարգացման նոր միտումները
Պարոն Բագրատյան, պատասխանատվությունը մի բաշխեք. Անանյանն էլ չգիտեմ՝ քանի գլխանի է եղել. Բաբաջանյան
Լարսում 730 բեռնատար է կուտակված
Արցախում հայտնաբերվել է կորոնավիրուսային հիվանդության 6 նոր դեպք
Քննիչ հանձնաժողովների լիազորությունները պետք է ավելացնել. Բագրատյանը՝ Գրիգորյանին
Հայաստանում հաստատվել է կորոնավիրուսի 236 նոր դեպք, առողջացել է 436 քաղաքացի
Հադրութի, Ջաբրայիլի և Դավիթ Բեկ գյուղի նախկին տարածքից հայտնաբերվել է 8 աճյուն
«Լիդիան Արմենիան» 2500 ջահ է ներկրել, բայց մենք չունենք դրա ապացուցողական հիմքը. Բագրատյանը՝ Խանդանյանին
Ռուսաստանյան խաղաղապահները ծառայություն են իրականացնում Մարտակերտի դիտակետերում
Ձեր 16-էջանոց զեկույցում ոչ մի վերլուծական գործիքակազմ չեմ տեսնում. Արտակ Մանուկյան
Երկաթուղում հաճախացել են գողության և վանդալիզմի դեպքերը
ՀՀ-ում գործող 30 մետաղական հանքավայրերից ոչ մեկը շահութահարկ չի վճարում. Սերգեյ Բագրատյան
10:52
Թրամփը տեսագրել է հրաժեշտի ճառն ԱՄՆ-ի նախագահի պաշտոնում. CNN
Հունվարի 29-ին անցկացվելու են խորհրդարանական լսումներ գիտակրթական թեմայով. Մխիթար Հայրապետյան
Սյունիքի մարզում կնոջ դի է հայտնաբերվել
Արձանագրված 6 դեպքով հաշվարկվել է ավելի քան 7 մլն դրամի չափով շրջակա միջավայրին հասցված վնաս
Աշոցքի տարածաշրջանի ավտոճանապարհներին բուք է, Դիլիջանի ոլորանները փակ են կցորդիչով փոխադրամիջոցների համար
Բարձր տեխնոլոգիական զարգացումը Հայաստանի տնտեսական զարգացման, ինչպես նաև կառավարության հիմնական առաջնահերթություններից է. Հակոբ Արշակյան
10:20
Բայդենը և Հարիսը հունվարի 19-ին ելույթ կունենան կորոնավիրուսի զոհերի հիշատակման արարողությանը
10:10
Փարիզի Disneyland-ը բացումը երկու ամսով հետաձգել է համավարակի պատճառով

Մոսկվան Հայաստանում հիբրիդային պատերազմ է հրահրում

«Առաջին լրատվական»-ի զրուցակիցն է «Հանրապետություն» կուսակցության առաջնորդ Արամ Սարգսյանը:

– Ձեր ուշադրությունն ուզում եմ հրավիրել սկանդալային հաղորդագրության վրա, որ տարածել է Հատուկ քննչական ծառայությունը. ձերբակալվել է 2008թ. մարտի 1-ի զոհերից մեկի՝ Զաքար Հովհաննիսյանի սպանության մեջ կասկածվող ոստիկանության գնդապետ Գեղամ Պետրոսյանը: Շատերն այս իրադարձությունը համարում են շրջադարձային: Դուք ի՞նչ եք կարծում, այս ձերբակալությունն ի՞նչ է փոխում Մարտի 1-ի ընդհանուր գործում:

– Անկեղծ ասեմ՝ ես սպասում էի նման ձերբակալությունների, խնդիրը չի վերաբերում անձին, անձն ունի անմեղության կանխավարկածի իրավունք, բայց ես սպասում էի, որ Մարտի 1-ի բացահայտման գործընթացները պիտի սկսեն այս ծայրից՝ սպանությունների բացահայտումից և այդպես բարձրանան վերև: Այդ մոտեցմանը ես եկել եմ իմ ընկեր Սուրեն Աբրահամյանի հետ երկար զրույցներից հետո: Բացահայտումների ճիշտ գիծը այն ճանապարհն է, որը գնում է դեպի հրաման տվողը. դա որևէ խնդիր չի առաջացնի հանրության մոտ և քաղաքական շահարկումների տեղիք չի տա: Այս հայտարարությունն ուրախացնում է ինձ, ես սրան սպասում էի 2008 թվականից հետո:

– Ավելորդ է նշել, թե 2008-ից հետո ինչու չէր ասվում այդ մասին:

– Միանշանակ, ժամանակին գործող իշխանություններն ամեն ինչ արել են, որ այս գործը կոծկվի, ամեն ինչ արել են, որ հետագայում էլ բացահայտելու հնարավորություն չունենան: Եվ բնական եմ համարում, որ նախկին քննչական կոմիտեի պետն այսօր հետախուզման մեջ է, փաստաթղթային խնդիրներ կան: Այն ժամանակ, երբ ինձ հարցաքննում էին, կային 3-4 հոգի, որոնք ցուցմունք տվող էին աշխատում, նրանց թելադրում էին ցուցմունքը, ու մեզ բռնադատում էին, և մենք փաստաբաններ ունենալու հնարավորություն չունեինք, և ոչ էլ լուսաբանվեց, թե ինչքան մարդ բռնադատվեց, ինչի միջով անցավ, ու դրա համար՝ անկախ նրանից, դատական համակարգում պատասխան են տալու, թե չէ, իրենց խղճի ու Աստծո առաջ պատասխան են տալու:

– Պատկերացնո՞ւմ եք, չէ՞, սկանդալը, եթե գնդապետը խոստովանի, որ հրաման է ունեցել կրակելու:

– Ես համոզված եմ, որ պիտի խոստովանեն. եթե ոչ գնդապետը, 4 մարդ օգտագործել է «Զարյա» տիպի զինատեսակը, 2-3 մարդ զոհվել է այդ զինատեսակից: Այդ զինատեսակը նախ՝ արգելված էր օգտագործել զանգվածային միջոցառումների ժամանակ, երկրորդ՝ կիրառման պարագայում պետք է օդ կրակել, իսկ եթե ուղիղ նշանառությամբ են կրակում, կրակողը կա՛մ պետք է հոգեկան հիվանդ լինի (բայց ինչ գործ ուներ հոգեկան հիվանդը ներքին գործերում), կա՛մ նրան հրաման են տվել…

– Ռոբերտ Քոչարյանը մի քանի առիթներով ասել է, որ Մարտի 1-ի դեպքերի հետ առնչություն չի ունեցել, և անգամ այդ սպանությունների մասին այդ օրը չի իմացել, այլ ավելի ուշ են զեկուցել նրան, և մի շարք այդպիսի դրվագներ, որոնք, ըստ երկրորդ նախագահի, վկայում են, որ ինքն անմիջական ազդեցություն չի ունեցել այդ պրոցեսների վրա, հետևաբար նրան պաշտպանող խումբն ասում է, որ եթե նա առնչություն և ազդեցություն չի ունեցել, ապա նրա նկատմամբ քաղաքական հետապնդում է իրականացվում:

– Ճիշտ նկարագրեցիք, Քոչարյանն ասում է, որ ինքը տեղյակ չի եղել, և որպես օրինակ բերում է այն, որ անվտանգության ծառայության պետ Գորիկ Հակոբյանն է իրեն ասել, նա է ինչ-որ կադրեր ցույց տվել, որ ինքը տեղյակ չէ պաշտպանության նախարարության համապատասխան հրամանից, որ դա Միքայել Հարությունյանն է ինքնուրույն արել, բա ինքն ո՞վ էր այդ ժամանակ, պիցցա էր բաժանո՞ւմ, երկիրն այդ վիճակում, ինքը տեղյակ չէ՞ր, ավելի վատ, որ տեղյակ չի եղել: Երկրորդ՝ ինձ այդ գիշերը Ազատության հրապարակից դուրս է հանել իր անվտանգության ծառայության պետը՝ Գրիշա Սարկիսովը… Այդ ժամանակ աջից, ձախից մահականերով խփում էին, ու ինձ չի կպել, որովհետև նա իր թիկնազորով ինձ դուրս է հանել: Այսինքն՝ նախագահի թիկնազորի պետն այնտեղ է, ղեկավարում է ամբողջ միջոցառումը, և նախագահը տեղյա՞կ չէ: Լավ էլի, ուզում է, որ մենք դրան հավատա՞նք: Ռ. Քոչարյանը մարդ է, որը դատվում է, որը Հայաստան գալուց հետո իր տեսակով, որակով, գործունեությամբ այնպիսի գործընթացների մեջ է եղել, որոնք Հայաստանին դրել են շատ վատ վիճակի մեջ՝ բոլոր առումներով: Խաղաղության տարիները Ադրբեջանի նախագահ Հ. Ալիևն օգտագործեց գազամուղներ, նավթամուղներ կառուցելու համար, Ադրբեջանը դարձրեց քաղաքական գործոն, այսինքն՝ օգտագործեց այդ տարիները ռազմաքաղաքական բալանսը փոխելու համար, իսկ Ռ. Քոչարյանը խաղաղության տարիներն օգտագործեց իր և իր ընտանիքի հարստանալու համար, այ այստեղ է Քոչարյանի հիմնական խնդիրը: Նա այդ տարիներն օգտագործեց ընտրությունները կեղծելու, այս կամ այն կուսակցության ցուցակները իր կաբինետում գրելու ու այդ մասին բարձրաձայնելու, գլուխ գովելու համար, հիմա եկել ամեն ինչից հրաժարվում է, հետն էլ ասում է՝ ես կապ չունեմ, ես մեղավոր չեմ, այ նախկին վարչապետը՝ ինքը… Բա իրար հետ էիք, դու քո ընկերո՞ջն ես ծախում, ու դա էլ համարում ես հերոսությո՞ւն, դու էլ ուժեղ տղա՞ ես, ու թիկունքդ ոչ մեկը չի տեսել. այս կերպը ո՛չ մարդկային առումով, ո՛չ որևէ այլ առումով ընդունելի չէ: Փաստն այն է, որ նա լավ փաստաբաններ է վարձել, բարձր վարձատրում է, և նրանք երբեմն կարողանում են, դատական կանոնների համաձայն, հաղթանակներ ունենալ:

– Եվ արդյունքում այդ գործը Սահմանադրական դատարանում է, և շատերն ասում են, որ կարող են անակնկալներ լինել այս կառույցում:

– Սկսած Մարտի 1-ից, ղարաբաղյան խնդրից՝ լավրովյան ծրագրով, վերջացրած այս հեղափոխությունից հետո Ռ. Քոչարյանի կալանավորումով, ես հստակ տեսնում եմ մեր ռազմավարական գործընկերոջ՝ Ռուսաստանի հետքը, սա ակնհայտ է: Պետք է չուզենաս տեսնել, որ չտեսնես կամ էլ ուզում ես հաջորդ իշխանությունը դու լինես, ու ռուսների աչքին վատամարդ չլինելու համար այդ թեմայով չես խոսում: Ես քաղաքականությամբ զբաղվող այն մարդկանցից եմ, որ այդ թեման բարձրաձայնում եմ: Ես տեսնում եմ, որ ապրիլյան պատերազմը սկսվեց և ավարտվեց, երբ որ մեր ռազմավարական գործընկերն ուզեց, երբ որ մեզ ձեռնտու էր, որ չկանգներ, ինքը կանգնեցրեց: Ես հստակ տեսնում եմ այդ հետքը, ու եթե Քննիչ հանձնաժողովը բացահայտելու է դա, հասնելու է դրան, թող գործեն: Չնայած ես կարծում եմ, որ դա հանձնաժողովի խնդիր չէր, դա պետք է Անվտանգության խորհուրդը քններ ու գործը հանձներ համապատասխան մարմիններին: Դատվելուց հետո թող մեր ժողովուրդն իմանար՝ ով ինչ մեղք ունի, ժողովրդից գաղտնիք պահել չեմ ուզում, բայց այդ խնդիրը Անվտանգության խորհրդի խնդիրն է: Երկրորդ՝ թող գա Միքայել Հարությունյանը ցուցմունք տա, ինչ է եղել, ինչու ՌԴ-ն չի ուզում, որ նա գա ու այստեղ ասի՝ Վրաստանում եմ եղել այդ ժամանակ, կամ՝ այո, ինքնագլուխ եմ գործել, ու Ռ. Քոչարյանին տեղյակ չեմ պահել: Ինչո՞ւ չի գալիս, չեն վստահո՞ւմ Մ. Հարությունյանին, թե՞ Ռ. Քոչարյանն է սուտ խոսում: Չէ՛, չեն ուզում: Այս վերաբերմունքը՝ Հայաստանին չարտահանձնելու և այլն… Ռուսաստանը հիբրիդային պատերազմի վարպետ է դարձել, նրանք Դոնեցկում էլ այդպես արեցին. հրահրեցին ներքին խժդժություններ, իրար ծեծկռտեցին, հետո մտցրեցին զորքերն ու բաժանեցին, ասացին՝ վայ, մենք եկել ենք… Հիմա նույն բանը տեսնում եմ, թե ոնց են Հայաստանում հրահրում՝ Հայաստան- Ղարաբաղ խժդժություններ, Ռոբերտ Քոչարյանի խնդիր, այս ամեն ինչը շատ վտանգավոր է, մենք պետք է սա հասկանանք ու սրանից զերծ մնանք:

 

Հարցազրույցն ամբողջությամբ՝ տեսանյութում:

Հեղինակներ
ՆՎԵՐ ՄՆԱՑԱԿԱՆՅԱՆ
ՆՎԵՐ ՄՆԱՑԱԿԱՆՅԱՆ
ԳՈՀԱՐ ՀԱՅՐԱՊԵՏՅԱՆ
ԳՈՀԱՐ ՀԱՅՐԱՊԵՏՅԱՆ
Արթուր Աղաբեկյան
Արթուր Աղաբեկյան
Ժիրայր Ոսկանյան
Ժիրայր Ոսկանյան
Բաժիններ
Ուղիղ
Լրահոս
Որոնում