Մեյը և նրա ամուսինը՝ Ֆիլիպը, Թրամփին են նվիրել շրջանակի մեջ տեղադրված փաստաթղթի մեքենագիր տեքստի կրկնօրինակը՝ ակնարկելով այն փաստը, որ ԱՄՆ նախագահը հաճախ է ծաղրում տրանսատլանտյան հարաբերությունները և հաստատված համաշխարհային կարգը, նշում է Associated Press-ը:
Հռչակագրում, որը 1941 թ.-ին ստորագրել են Ռուզվելտն ու Չերչիլը, ասվում է զինաթափման, ազատ առևտրի և մարդու ազատ ինքնորոշման իրավունքի մասին: Փաստաթղթում նշվում է Երկրորդ համաշխարհային պատերազմից հետո աշխարհի ընդհանուր նպատակների մասին: Այն նպաստել է ՄԱԿ-ի, Առևտրի համաշխարհային կազմակերպության, ինչպես նաև աշխարհում ապագա քաղաքական և տնտեսական կարգի ստեղծմանը:
Մայիսի 3-ին Թրամփը Մեծ Բրիտանիա է ժամանել կնոջ, Մելանյայի հետ, որը բրիտանացի դիզայներ Էմմա Բրիջուոթերի կողմից ստեղծված թեյի սպասք է նվեր ստացել:
Սա ԱՄՆ նախագահի առաջին պետական այցն է Մեծ Բրիտանիա: Նա հանդիպել է թագուհի Եղիսաբեթ II-ի և արքայական ընտանիքի անդամների՝ արքայազն Չարլզի և Կամիլայի, Կորնոուլի դքսուհու, արքայազն Ուիլյամի և Քեյթի, Քեմբրիջի դքսուհու և արքայազն Հարիի հետ:
