FIFA World Cup BrazilTM-ը Visa վճարային համակարգի աջակցությամբ 2014թ. Ֆուտբոլի աշխարհի առաջնությանն ընդառաջ՝ հանդես է գալիս հատուկ առաջարկով. միայն «Ամերիաբանկի» Visa քարտերով կատարելով անկանխիկ վճարումներ՝ քարտապանները հնարավորություն կստանան մասնակցելու Բրազիլիայում կայանալիք 2014թ. Ֆուտբոլի աշխարհի առաջնությանը:
«Ամերիաբանկը» կազմակերպում է խաղարկություն իր Visa քարտապանների համար, որոնք ս.թ. մարտի 10-ից մինչև ապրիլի 30-ը ներառյալ Visa քարտերով կկատարեն առնվազն 200.000 ՀՀ դրամի կամ դրան համարժեք արտարժույթով անկանխիկ վճարումներ (բացառությամբ կոմունալ վճարումների և քարտից քարտ փոխանցումների): Նշենք, 200.000 ՀՀ դրամ նվազագույն շեմը կարող է ապահովվել և՛ կուտակային, և՛ միանվագ եղանակով: Խաղարկությունը տեղի կունենա 2 փուլով` հետևյալ պայմաններով: Մասնավորապես, 2-րդ փուլին՝ վիճակահանությանը, կմասնակցի առավելագույն քանակությամբ գործարքներ իրականացրած 300 քարտապան:
Խաղարկվելու է երկու ուղեգիր՝ յուրաքանչյուրը երկու անձի համար, ինչպես նաև Visa-ի և FIFA-ի ապրանքանիշով մոտ 300 այլ մրցանակ:
Խաղարկությունը կկայանա մայիսի 7-ին, ժամը 12:00-ին, Ամերիաբանկի գլխամասային գրասենյակում՝ զանգվածային լրատվամիջոցների ներկայությամբ, վիճակահանության միջոցով:
Խաղարկության արդյունքում «Ամերիաբանկի» այն քարտապանը, ում անունն առաջինը դուրս կբերվի վիճակահանության արկղից, հնարավորություն կունենա մասնակցելու ս.թ. հունիսի 16-ից մինչև 19-ը Ֆորտալեզայում կայանալիք ֆուտբոլային խաղին: Երկրորդ քարտապանը կմասնակցի ս.թ. հունիսի 30-ից մինչև հուլիսի 3-ը Սալվադորում կայանալիք ֆուտբոլային խաղին:
Խաղարկության վերաբերյալ առավել մանրամասն տեղեկատվությանը կարելի է ծանոթանալ http://www.ameriabank.am/football հղմամբ, իսկ պարբերականի թարմացումներին հետևեք «Ամերիաբանկի» Facebook-յան էջում:
«Ամերիաբանկ» ՓԲԸ-ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ.-ից` տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ-ն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ:
Լրացուցիչ տեղեկությունների համար կարող եք այցելել www.ameriabank.am:
