Ամերիկացի գրող Ջորջ Սոնդերսը դարձել է բրիտնական նոր գրական մրցանակի՝ Folio Prize-ի առաջին դափնեկիրը: Այս մասին հայտնում է RIA Novosti -ն:
Անցած տարի հիմնադրված մրցանակը մտածվել է որպես հեղինակավոր Man Booker Prize-ի մրցակից: Man Booker Prize-ը հանձնվում է Մեծ Բրիտանիայի և Համագործակցության երկրների գրողներին:
Folio-ի հիմնադիր Էնդրյու Քիդն այն ավելի ակադեմիական է համարում՝ ի հակադրություն Man Booker Prize-ի: Folio-ին կարող է հավակնել ցանկացած երկրի գրող, որը գրում է անգլերեն և հրատարակվում Մեծ Բրիտանիայում:
Ներկայիս համառոտ ցուցակում կային 5 ամերիկացի, երկու բրիտանցի և մեկ ականդացի: Արդյունքում Սոնդերսն առաջ է անցել մրցակիցներից իր «Դեկտեմբերի 10-ը» (Tenth of December) գրքով: Այն եղել է համառոտ ցուցակի պատմվածքների միակ ժողովածուն:
Ինչպես նշում են բրիտանական ԶԼՄ-ները՝ ժյուրիի ընտրությունը կարող է վկայել Մեծ Բրիտանիայում կարճ պատմվածքի ժանրի հանդեպ հետաքրքրության վերադարձի մասին: Սոնդերսը 40 հազար ֆունտ ստերլինգ է ստացել:
