Աժ «Իմ քայլը» խմբակցության պատգամավոր Վահագն Հովակիմյանը չի կարծում, որ ՍԴ դատավորի թեկնածուի ընտրության հերթական տապալումը ՀՀ նախագահի ինստիտուտի նկատմամբ վստահության խնդիր է առաջացնում:
Նրա խոսքով՝ պատգամավորները սահմանադրությամբ իրենց վերապահված լիազորություններն են իրականացնում, կա զուտ իրավակարգավորումների հետ կապված թերություն.«Իմ կարծիքով՝ առաջադրողի և խորհրդարանի նախնական կոնսուլտացիա պետք է լինի, ի վերջո քաղաքական ընտրություն է տեղի ունենում: Պատգամավորներն իրենց ընտրությունը կատարելիս երկու հանգամանք են հաշվի առնում՝ անձի մասնագիտական գիտելիքները և քաղաքական տեսանկյունից նա ինչպիսին է»:
