«Լավ է ուշ, քան երբեք։ Վեթինգի գաղափարը նաև մենք ենք շրջանառության մեջ դրել։ Սպասում ենք խորհրդարանում ավելի մանրամասն աշխատանքներին, որպեսզի նախագիծ կազմենք։ Նաև քննարկումներ կան՝ սահմանադրության միջոցով, թե օրենքի միջոցով պետք է սա անել։ Սրա հետ կապված սպասվում են բանավեճեր։ Այնպես որ աշխատանքային մթնոլորտ է»,-«Առաջին լրատվական»-ի հետ զրույցում ասաց ԱԺ ԼՀԿ խմբակցության ղեկավար Էդմոն Մարուքյանը։ Պատգամավորը նշեց, որ սահմանադրության փոփոխություն է պետք անել, սակայն իրավաբանները պետք է սա քննարկեն։
«Տրամադրված ենք աշխատանելու, որ շատ արագ կարողանանք կորցրած ժամանակը վերականգնել։ Այն սխալները, որոնք թույլ են տվել վեթինգ իրականացրած երկրները, մենք պետք է ուշադիր լինենք, որ թույլ չտանք»,-ասաց Էդմոն Մարուքյանը։
Նրա խոսքով՝ եթե լինի քաղաքական կամք բոլոր ոլորտներում զտում իրականացնելու, ԼՀԿ-ն կողմն է․ «Օրը գա, բարին հետը, պետք է ավարտին հասցնել դատաիրավական բարեփոխումների ռեֆորմը, հետո անցնենք մյուսներին։ Պետք է մանրամասն և կոնկրետ գործ անել»,-հավելեց նա։
