Գերագույն ռադայի արտահերթ ընտրությունները տեղի կունենան հուլիսի 21-ին կամ 28-ին: Մայիսի 21-ին այս մասին լրագրողներին հայտնել Է Ռադայի առաջին փոխխոսնակ Իրինա Գերաշչենոն՝ երկրի նախագահ Վլադիմիր Զելենսկու հետ կայացած խորհրդակցությունից հետո, տեղեկացնում է TASS-ը:
«Նախագահն այդ հրամանագիրը ծրագրում է ստորագրել ոչ այսօր, այլ մոտ օրերս: Ժամկետները պահպանելու համար ընտրությունները կհայտարարեն 60 օր առաջ: Դրանք կարող են կայանալ հուլիսի 21-ին կամ 28-ին»,- ասել է նա: Միևնույն ժամանակ Ուկրաինայի խորհրդարանում Ռադիկալ կուսակցության խմբակցության առաջնորդ Օլեգ Լյաշկոն հայտնել է հուլիսի 21 ժամկետը:
«Նախագահը և խմբակցությունների առաջնորդները համաձայնության եկան վաղաժամկետ ընտրությունների անցկացման շուրջը: Ռադայի արձակման և արտահերթ ընտրությունների մասին հրամանագիրը կհապարակվի, ամենայն հավանականությամբ, վաղը, ընտրությունները հավանաբար կանցկացվեն հուլիսի 21-ին»,- ասել է նա՝ ամփոփելով Զելենսկու հետ կայացած խորհրդակցությունների արդյունքները: Մինչ այդ ժամանակը, նշել է Լյաշկոն, հարկավոր է փոխել ընտրական օրենսդրությունը:
