«Առաջին լրատվական»-ի տեղեկություններով՝ Ռուսաստանից Երևան է բերման ենթարկվել 1972 թվականին ծնված Աղասի Ադամյանը, որը հանցագործ աշխարհում հայտնի «օրենքով գող» Աղաս Երևանսկին է: Նա օրենքով գող է թագադրվել ռուսական ազատազրկման վայրերից մեկում:
Աղաս Երևանսկին Ռուսաստանում մի քանի անգամ ազատազրկվել է տարբեր հանցագործությունների համար, իսկ Հայաստանում մեղադրվում էր խարդախության մեջ և Մալաթիա-Սեբաստիա համայնքի ոստիկանության բաժնի կողմից հետախուզման մեջ էր գտնվում 2003 թվականից:
Լուրի իսկությունը «Առաջին լրատվական»-ը փորձեց ճշտել ոստիկանությունից, որտեղից չհերքեցին, բայց խոստացան լրացուցիչ մանրամասներ հայտնել ավելի ուշ:
