Հասկանալի իրադարձություններով պայմանավորված, վերջին օրերին բավականին շատ է քննարկվում ՀՀ երկրորդ նախագահ Ռոբերտ Քոչարյանն ու նրա գործունությունը։ Շահարկվում է Քոչարյանի պաշտոնավարման տարիներին գրանցված տնտեսական աճի երկնիշ ցուցանիշը՝ այն ներկայացվելով իբրև անհավանական ձեքբերում: Ինչի՞ հաշվին է դա արվել և հետագայում ի՞նչ ազդեցություն է ունեցել. «Առաջին լրատվական»-ի հետ զրույցում այս և մի շարք այլ հարցերի անդրադարձավ տնտեսագիտության դոկտոր Աշոտ Մարկոսյանը:
ՀՀ տնտեսության երկնիշ աճը 2002 թվականից մինչև 2007 թվականը ներառյալ ամեն տարի ՀՆԱ-ի երկնիշ աճ էր գրանցում, ինչի արդյունքում տարբեր միջազգային զեկույցներում մեր երկիրը անվանում էին «կովկասյան վագր»։ Սակայն կարևոր է ոչ միայն և ոչ այնքան տնտեսական աճի ցուցանիշը, այլ նաև այն, թե որ ոլորտների հաշվին էր ապահովվում այդ աճը և ով է եղել այդ աճի շահառուն: Անդրադառնալով այս դիտարկմանը` Ա. Մարկոսյանը նշեց. «Խոսքը վերաբերում է «Կովկասյան վագրի մռնչյուն»-ին. դա Համաշխարհային բանկի ամենամյա զեկույցներից մեկի վերնագիրն էր, որը նվիրված էր հիմնականում Հայաստանի Հանրապետությանը: Երբ որ նշվում է այդ ժամանակահատվածի տնտեսական երկնիշ աճի մասին, նկատի են առնում հայկական դրամով: Իսկ դոլարային արտահայտությամբ ավելի մեծ տնտեսական աճ է գրանցվել:
2007-2008թթ. տնտեսական աճ եղել է, բայց կարևոր հարց է առաջանում. ինչի՞ հաշվին, ինչպե՞ս է դա տեղի ունեցել: Այդ ժամանակահատվածը դժվարություններ ստեղծեց հետագա տարիների համար, և երրորդ հանրապետությունը հայտնվեց տնտեսական թակարդի մեջ:
Այդ տարիներին տնտեսական աճը հիմնականում գրանցվել է փոխարժեքի փոփոխման հաշվին: Այդ ժամանակահատվածում հիմք դրվեց սպառողական վիճակին ոչ թե արտադրողական… 2008-2018թթ. Հայաստանի Հանրապետությունը դոլարային արտադրությամբ աճ չի ունեցել»:
«2006-2008թթ. տնտեսական աճի հիմնական շարժիչը եղել է շինարարության ոլորտը»,- նշեց տնտեսագետը՝ ընդգծելով, որ վտանգավոր է, երբ տնտեսությունը կառուցվում է մեկ ճյուղի վրա: Ա. Մարկոսյանի դիտարկմամբ՝ Քոչարյանի օրոք տնտեսական աճը էլիտաների համար էր, ոչ թե շարքային քաղաքացիների:
Մանրամասն՝ տեսանյութում: