Իրանական Fars գործակալության հաղորդմամբ, «Յունես» անվամբ սուզանավը, որը Իրանի 14-րդ ռազմական նավատորմի ընկերակցությամբ, միջազգային նավատորմերի մասին տեղեկություններ հավաքագրելու նպատակով, մեկնել էր Եդեմի ծոց ու Կարմիր ծով, վերադարձել է Պարսից ծոց:
Իրանի ծովուժի առաջին ստորաբաժաման հրամանատար, ծովակալ Ֆարիբորզ Ղադերփանահը Fars գործակալության հետ զրույցում նշել է, որ «Յունես» սուզանավը իր 66-օրյա նավարկությամբ նոր ռեկորդ է սահմանել: Ըստ ծովակալի՝ նախկին ռեկորդը պատկանում էր երկրորդ աշխարհամարտի տարիներին գերմանական Հանս Շուֆեր սուզանավին՝ 65 օր նավարկություն:
Իրանի 14-րդ նավատորմի հրամանատար Ահմադ Ռեզա Բաղերին էլ Fars գործակալությանը հայտնել է, որ միջազգային ծովերում շրջագայության ձեռքբերումները քննարկելով, հարկ եղած պահին իրանական սուզանավերն ու ռազմական նավատորմը կրկին կշրջեն միջազգային ծովերով:
