Երևան քաղաքի Քանաքեռ-Զեյթուն վարչական շրջանի Ռուբինյանց փողոցում երթևեկությունը կաթվածահար է եղել:
Shamshyan.com-ի փոխանցմամբ՝ նշված փողոցի հարևանությամբ բնակվող բազմաբնակարանային շենքերի բնակիչները հերթական անգամ փակել են ճանապարհը ու պահանջում են, որպեսզի Երևանի քաղաքապետարանը խոստումը կատարի, ով խոստացել էր, որ այս տարվա ապրիլին նշված հատվածում արհեստական անհարթությունից հետո տեղադրվելու է լուսակիր, սակայն իրենց խոտումը չեն կատարել, ինչը պատճառ է, որ վրաերթերը նշված հատվածում չեն պակասել:
«Բազմաթիվ անգամ դիմել ենք. է՛լ գրավոր, է՛լ բանավոր, է՛լ նշված վայրում հանդիպման ժամանակ, ու վերջին հանդիպումներից մեկի ժամանակ խոստացան, որ լուսակիրը դրվելու է, բայց այդ խոսքերը դարձան ոչ իրականություն…»:
Այս պահին բնակիչների հետ բանակցություններ են վարում Քանաքեռ-Զեյթուն վարչական շրջանի բաժնի պետ Ռուբեն Նավասարդյանը և Երևանի ճանապարհային ոստիկանության պետի տեղակալ Դավիթ Ավագյանը, սակայն բնակիչներն ասում են, որ էլ հավատ չկա:
