Ճապոնիայում յակուձայի անդամների թվաքանակը ընկել է՝ հասնելով 1992-ից ի վեր ամենացածր մակարդակին: Այս մասին հայտնել է Ճապոնիայի կենտրոնական ոստիկանական վարչությունը՝ փոխանցում է ITAR-TASS-ը:
Իրավապահ մարմինների տեղեկություններով՝ 2013-ի վերջի դրությամբ քրեական սինդիկատներում եղել է 58.6 հազար մարդ: Միայն վերջին տարում այդ թիվը նվազել է 4600-ով: 1992-ին մաֆիայի անդամների թիվը կազմել է 91 հազար մարդ:
Նկատվում է նաև խմբավորումների ակտիվության նվազում: Ինչպես նշել են ոստիկանական վարչությունում, նման միտումը կապված է ճապոնական օրենսդրության խստացման հետ, որը ներկայումս թույլ է տալիս քրեական պատասխանատվության ենթարկել մաֆիայի պարագլուխներին:
