Թերթը գրում է. «Արարատի մարզի Արարատ և Արտաշատ քաղաքաներում կիրակի օրը տեղի են ունեցել համայնքի ղեկավարի ընտրություններ և 2 քաղաքների քաղաքապետերի անկուսակցական թեկնածուներն էլ ահազանգում են, որ տեղամասային ընտրական հանձնաժողովի «Ժառանգության» ու ՀՅԴ անդամները իրենց տեղերը զիջել են ՀՀԿ-ին։ Երկու քաղաքում էլ, ի դեպ, «հաղթել են» ՀՀԿ ներկայացուցիչ գործող քաղաքապետերը»։
Արտաշատին քաղաքապետի թեկնածու, անկուսակցական Քաջո Գրիգորյանը թերթի հետ զրույցում պատմել է.. «Ինձ «ժառանգության» ներկայացուցիչն ասում է՝ գիտե՞ս ինչ կա, գնացքը գնացել ա, մենք էս քաղաքապետին հարգում ենք, իրեն պիտի օգնենք»:
«Արարատում հուլիսի 3-ին վիճակն ավելի լավ չի եղել: Ընտրությունից ժամեր առաջ անկուսակցական թեկնածու Հակոբ Թովմասյանը ինքնաբացարկ էր հայտնել: Նա ևս թերթի հետ զրույցում հայտնել է, որ «ժառանգության» և ՀՅԴ-ի ԸԸՀ անդամները իրենց տեղերը զիջել էին ՀՀԿ-ին: ՀՅԴ ԳԱ ներկայացուցիչ Հայրապետ Բաբայանը մեզ հետ զրույցում հերքեց ԸԸՀ իրենց ներկայացուցիչների կողմից տեղերը ՀՀԿ-ին զիջելու մասին հայտարարությունը՝ դա անվանելով «անհարկի՝ խոսակցություն», «շանտաժային մեթոդ»: Նույն կերպ հերքելով նաև «ժառանգությանը» վերաբերող հայտարարությունները, պատգամավոր Ստեփան Սաֆարյանը լրագրողների հետ զրույցում դա պայմանավորել է ինչ-որ հատուկ նպատակներով»,- հավելում է թերթը:
