ՄԱԿ-ի գլխավոր քարտուղարի հատուկ խորհրդական Ռոբերտ Սերին ստիպված է եղել լքել Սիմֆերոպոլն անհայտ զինված անձանց ճնշման ներքո, ովքեր իրենց անվանել են «ինքնապաշտպանության մարտիկներ», սակայն նա հասցրել է փոխանցել իր խորհուրդները: Այս մասին հայտնում է BBC-ն:
Սիմֆերոպոլի սրճարանում նա զինված անհայտ անձանց կողմից հայտնվել էր արգելափակման մեջ: Նրանք պահանջել են, որպեսզի Սերին անհապաղ լքի Ղրիմը:
Հատուկ բանագնացը ստիպված է եղել դադարեցնել առաքելությունն ու Կիև թռչել: Օդանավակայանում նա չի զրուցել լրագրողների հետ: Սրահը, որտեղ նա գտնվել է, հսկվել է զինված անձանց կողմից:
Նրա թռիչքից հետո ժողովրդական պատգամավոր Նիկոլա Ռուդկովսկին հայտնել է, որ Սերին խնդրել է իր խորհուրդները փոխանցել Ղրիմում ճգնաժամի վերաբերյալ: Նա խնդրել է կողմերին նստել բանակցային սեղանի շուրջ, փոխըմբռնում որոնել՝ հնարավորինս շուտ վերացնելու լարվածությունը, այլապես իրավճակը կարող է հանգեցնել վատագույնի:
