Հայ Հեղափոխական Դաշնակցությունը Արցախում կազմակերպել էր «Հայաստան-Արցախ ռազմավարական դաշինք» համաժողովը, «Ժառանգությունից», կարծես թե, ներկայացուցիչներ չկային, Դուք դրա անհրաժեշտությունը չե՞ք տեսնում: «Առաջին լրատվական»-ի այս հարցին ի պատասխան՝ «Ժառանգություն» կուսակցության հիմնադիր Րաֆֆի Հովհաննիսյանը մասնավորապես ասաց. «Ողջունելի է այդ նախաձեռնությունը, բայց պիտի ասեմ, որ ես հույս ունեմ, որ դա կիսամիջոց չէ, դե յուրե ճանաչմանը փոխարինող ինչ-որ կիսաքայլ չէ: Եթե կա միջազգային զգայնություն, ինչ-որ վախվորածություն,- թեև սրանից ավելի վտանգավոր պատերազմ չկա, չի կարող ավելի վտանգավոր դարձնել միջավայրը,- բոլոր դեպքերում անհրաժեշտ է:
Եթե լինելու է երկու սուբյեկտների միջև համաձայնություն՝ լինեն դրանք երկու պետություն թե, ոմանք կարծում են, մի պետություն-մի մարզ, բոլոր դեպքերում՝ այդ երկու սուբյեկտները պետք է միմյանց ճանաչեն: Դե յուրե ճանաչումը արդեն հասունացել է, բայց եթե Երևանը ուզում է՝ թող սկսի փաստացի՝ դե ֆակտո ճանաչումը»:
«Մոտեցել է պահը, որ Արցախը պետք է ճանաչվի Հայաստանի Հանրապետության և միջազգային հանրության կողմից: Այդ ճամփու վրա ենք և հույս ունենք, որ ժողովրդավարական, իրավական, սահմանադրական և քաղաքացիական պետություն դառնալով՝ մենք կկարողանանք ռազմական հերոսությունները բերել դիվանագիտական դաշտ և դարձնել մեր երկիրը միասնական և իրավական»,- ասաց նա:
Մանրամասները՝ տեսանյութում։
