Microsoft Research-ը, որը հանդիսանում է Microsoft-ի հետազոտական ստորաբաժանումը, գովազդել է SurroundWeb «եռաչափ դիտարկիչը»: Այն թույլ է տալիս կայքերն արտացոլել տան հարթ մակերևույթների վրա, օրինակ՝ պահարանին կամ պատերին:
Պատկերի արտացոլումն իրականացվում է պրոյեկտորի օգնությամբ: SurroundWeb-ը կարող է տան օբյեկտների վրա արտացոլել ոչ միայն կայքերն ամբողջությամբ, այլ դրանցից որոշակի տարրեր:
Տանն էկրանների դերով կարող են հանդես գալ միաժամանակ մի քանի օբյեկտներ՝ մինչև 25: Պատկերը թարմացվում է վայրկյանում 25 կադր արագությամբ, իսկ մեկ «էկրանի» առավելագույն խտությունը կազմում է 1440 ×720 կետ:
«Եռչափ դիտարկիչի» կառավարման համար կիրառվում է օգտատիրոջ իրական ինտերֆեյսը: Հրամանները կարելի է տալ ձայնով: Microsoft-ը չի հստակեցնում, ծրագրո՞ւմ է տեխնոլոգիային կոմերցիոն կիրառություն տալ:
SurroundWeb-ը դարձել է խաղացողների համար նախատեսված IllumiRoom նախագծի զարգացում:
