Արդարադատության նախարարի տեղեկացմամբ՝ կառավարությունն այս տարի 1 միլիարդ դրամ է հատկացրել Արմավիրում քրեակատարողական հիմնարկի կառուցմանը։
Նոր ՔԿՀ-ն կառուցվում է հիվանդանոցի շենքի վերանորոգման արդյունքում և նախատեսված է մոտ 4000 կալանավորի համար։ Ուստի այս ՔՀԿ-ի կառուցմամբ կլուծվի նաև հիմնարկներում բեռնվածության խնդիրը։ ՔՀԿ-ն ամբողջովին պատրաստ է լինելու 3 տարուց։
«Անկախության 20 տարիների ընթացքում մեր բանտեր շարունակում են մնալ սովետական։ Անհրաժեշտ է այս տիպը փոխել։ Իմ պատկերացրած քրեակատարողական հիմնարկը, որը կվերադաստիարակի կալանավորներին, այսօրվա քրեակատարողական հիմնարկը չէ։ Պատճառներից մեկն այն բանի, որ պատիժն այսօր չի իրականացնում իր իսկական գործառույթը, այն է, որ ունենք այդպիսի քրեակատարողական հիմնարկներ»,- ասում է Հրայր Թովմասյանը։
Նոր հիմնարկները պետք է մարդկանց ապահովեն զբաղմունք կազմակերպելու հնարավորությամբ։ Բացի անազատության մեջ լինելուց, ոչ մի այլ զրկանք մարդիկ չպիտի կրեն,- կարծում է Հրայր Թովմասյանը։
