Մեծ Բրիտանիայի բնակչուհին պատմել է, թե ինչպես է զրկվել խոշոր գումարից, երբ հավատացել է որպես Ջեյսոն Սթեթհեմ ներկայացած առցանց-խարդախին, գրում է BBC-ն:
Կինը խարդախին փոխանցած ճշգրիտ գումարը չի նշել, սակայն խոստովանել է, որ հարյուր հազարավոր ֆունտ ստեռլինգ է կորցրել: Նա համոզված էր, որ օգնում է ֆինանսական դժվարին վիճակում հայտնված դերասանին: Խարդախը Սթեթհեմի անունից գրել էր, որ ֆիլմից ստանալիք հոնորարների վճարումների հետաձգման պատճառով մնացել է առանց փողի:
Նախքան բրիտանուհուց գումար խնդրելը, խարդախը նրան սեր է խոստովանել: Տուժողի խոսքերով, նրա մոտ տպավորություն է ստեղծվել, որ իր և դերասանի միջև իսկական հարաբերություններ են սկսվում: Նա խոստովանել է, որ հեշտությամբ է վստահել խաբեբային, քանի որ այդ ժամանակ նա միաժամանակ կորցրել էր և փեսացուին, և մորը, ուստի էմոցիոնալ ընկալունակ էր:
Երբ բրիտանուհին հասկացել է, որ իրեն խաբել են, դիմել է ոստիկանություն: Սակայն հանցագործին բռնել չի հաջողվել:
