Էստոնիայի պաշտպանության նախարար Ուրմաս Ռեյնսալուն կարծում է, որ արևմուտքը պետք է Ուկրաինա զորքերի հնարավոր մտնելու համար պատասխանատու Ռուսաստանի քաղաքական գործիչների և պաշտոնյաների նկատմամբ պատժամիջոցներ կիրառի: Այս մասին գրում է Interfax-ը:
«Արևմուտքը պետք է իր ուղերձը հնարավորինս ուժգին դարձնի»,- հայտարարել է Ռեյնսալուն:
Նրա խոսքով` «ներկա դրությամբ նորմալ է, որ բռնազավթում իրականացնող պետության քաղաքական գործիչները և պաշտոնյաները պատասխան տան»:
«Եվրամիությունը և ՆԱՏՕ-ն պետք է անպայման լուրջ անհատական պատժամիջոցներ սահմանեն և հստակ հայտարարեն այդ մասին, որպեսզի հրահրումների պատասխանատուները հասկանան դա»,- ընդգծել է նախարարը:
