«Ընդհանուր առմամբ Նիկոլ Փաշինյանի ելույթների մեծ մասը մեկ գլխավոր շեշտադրում ունեն՝ նպաստել, որպեսզի ձևավորվեն հասարական-քաղաքական տեսլականներ մեր զարգացման վերաբերյալ։ Մենք չափազանց ակտիվ ձևով ներգրավված ենք մեր ներկայում, բայց որպես հանրույթ՝ մենք պետք է նաև տեսլականներ ունենանք, թե 50, 100 տարի հետո մենք ինչ արդյունք ենք ունենալու։ Եվ եթե ունենանք ձևավորված տեսլականներ, մենք ինչ ճանապարհով ենք հասնելու դրան։ Ինչ վերաբերում է արցախյան հիմնահարցում իր մտորումներին, վերջին շրջանում Փաշինյանի նպատակներից մեկը հենց հասարակական քննարկումների առաջացումն է։ Նա ի սկզբանե հայտարարել էր, որ ժողովուրդներն են հարցի կարգավորողը»,-«Առաջին լրատվական»-ի հետ զրույցում, անդրադառնալով Նիկոլ Փաշինյանի՝ ԵՊՀ-ում դասախոսների և ուսանողների հետ հանդիպման ժամանակ Արցախի խնդրի կարգավորման վերաբերյալ արված դիտարկումներն, որ չունենք հայեցակարգ՝ ինչպես ենք ուզում լուծվի Ղարաբաղի հարցը, ասաց ԱԺ «Իմ քայլը» խմբակցության պատգամավոր Տաթևիկ Հայրապետյանը։
Հարցին՝ հայեցակարգ կա՞, թե ոչ, պատգամավորը նշեց, որ թե՛ արտաքին քաղաքական, թե՛ դիվանագիտական կորպուսի, թե՛ վարչապետի կողմից մշակված հայեցակարգ կա, սակայն այս կոչը հասարակական քննարկումների առաջացումն է։
Նա նշեց, որ արցախյան հիմնահարցը այս կամ այն իշխանության հետ կապված հիմնահարց չէ, սա ինքնության խնդիր է։
