Փոքրիկ մոգի մասին հայտնի ֆիլմի հերոս Հարի Փոթերի դերակատար Դենիել Ռեդքլիֆը GQ-ին տված հարցազրույցում խոստովանել է, որ չափից դուրս շատ ալկոհոլ է օգտագործում: Նա ասել է, որ 18 տարեկանում կախվածության մեջ է ընկել ալկոհոլից, չնայած այդ ժամանակ հայտարարում էր, որ ալկոհոլի նույնիսկ չի էլ դիպչում:
Նա խոստովանել է, որ կցանկանար լինել մի մարդ, որը գնում է խնջույքների, խմում մեկ-երկու կոկտեյլ և իրեն լավ է զգում: «Ես դա չափազանց անհաջող եմ անում: Ավելի լավ է՝ ես նստեմ տանը և գիրք կարդամ կամ խոսեմ այն մարդու հետ, որի հետ կարելի է ծիծաղել… հանգիստ կյանքից հաճույք ստանալն այդքան էլ վատ բան չէ»,- ասել է դերասանը: Նա խոստովանել է, որ իրեն հաջողակ է զգում, քանի որ, ի տարբերություն մյուս դերասանների, լուսանկարիչներին չի հաջողվել իրեն պատկերել այդքան անհարմար վիճակում (հարբած.- 1in.am):