Այսօր՝ ապրիլի 22-ին, Ազգային ժողովում շարունակվում են աշխատանքները: Այժմ քննարկվում է Մարդկանց թրաֆիքինգի և շահագործման ենթարկված անձանց նույնացման և աջակցության մասին օրենքում փոփոխություններ և լրացումներ կատարելու մասին օրենքի նախագիծը 1-ին ընթերցմամբ ընդունելու հարցը:
«Այսօր Երևանում մեծ տարածում ունեն, այսպես կոչված, մերսման սրահները: Այդ անվան տակ բազմաթիվ երևույթներ են կատարվում, որոնք լուրջ ուսումնասիրության կարիք ունեն: Թրաֆիքինգ է համարվում նաև սեռական շահագործումը, անկանոն աշխատանքային գրաֆիկը: Այս մերսման սրահները թրաֆիքինգի օջախներ են»,- դիմելով սոցապ փոխնախարարին՝ ասաց ԲՀԿ պատգամավոր Սերգեյ Բագրատյանը:
Ի հակադարձումն փոխնախարարի պատասխանի՝ Սերգեյ Բագրատյանն ասաց. «Հարգելի պաշտոնյա, ինձ մի ուղղորդեք, թե որը որտեղ է: Ես ձեզ ասում եմ՝ ուսումնասիրեք այդ երևույթները և համապատասխան եզրակացությունը ներկայացրեք ԱԺ-ին: Թե չէ ով պիտի զբաղվի՝ ձեզանից լավ գիտենք»:
Մանրամասները՝ տեսանյութում:
