Ամերիկացի դերասան Ջեյսոն Բիգսի ընտանիքում, որը խաղացել է «Ամերիկյան կարկանդակ» ֆիլմում, արտակարգ դեպք է տեղի ունեցել. կինը «գցել է» 5-ամյա որդուն: Ընկնելու հետևանքով երեխան լուրջ վնասվածքներ է ստացել, գրում է golos.ua-ն:
Բիգսի կինը՝ 39-ամյա դերասան Ջենի Մոլենը, Instagram-ի իր էջում պատմել է տեղի ունեցածի մասին, ասելով, որ պատահաբար գցել է 5-ամյա որդուն`Սիդին, ու «գանգը կոտրել»: Տղան անմիջապես տեղափոխվել է հիվանդանոցի ինտենսիվ խնամքի բաժանմունք:
Ջենին շնորհակալություն է հայտնել բժշկական անձնակազմին և դիմել այն ծնողներին, ովքեր նույնպես հայտնվել են նման սարսափելի իրավիճակում:
«Իմ սիրտը դիմում է բոլոր ծնողներին, ովքեր երբևէ եղել են այս վիճակում, դուք մենակ չեք…»,- գրել է դերասանուհին:
