Ապրիլի 26-ին տեղի կունենա երգչուհի Թեյլոր Սվիֆթի նոր ալբոմի շնորհանդեսը։ Սակայն ռեալիթի շոուի աստղ Քիմ Քարդաշյանը, որը վաղուց է, ինչ անբարյացակամ վերաբերմունք ունի երգչուհու նկատմամբ, հայտարարել է, որ այդ օրը տեղի կունենա նաև KKW FRAGRANCE X KYLIE օծանելիքի թողարկումը։
Սվիֆթի երկրպագուների կարծիքով՝ օրը հատուկ է ընտրվել, որպեսզի նորությունների մեծ մասը Քիմին վերաբերվի։ Զայրացած երկրպագուները Instagram-ում զայրալից մեկնաբանություններ են գրում Քիմի հասցեին։ Սակայն Սվիֆթն անգամ ուշադրություն չի դարձնում բարձրացած աղմուկին՝ մանավանդ, որ TIME պարբերականը երգչուհուն ներառել է «Կուռք» անվանակարգում՝ 100 ամենաազդեցիկ մարդկանց ցանկում։
Ի դեպ, Քիմ Քարդաշյան-Թեյլոր Սվիֆթի թշնամանքը մի քանի տարվա պատմություն ունի։ Քիմի ամուսինը՝ Քանյե Ուեսթը, վիրավորել է երգչուհուն՝ Famous երգի տեսահոլովակում։ Իսկ երբ 2017-ին Քիմ Քարդաշյանին կողոպտել են Փարիզում, Սվիֆթն իր տեսահոլովակում ծաղրել է այդ միջադեպը։
