Այսօր՝ ապրիլի 18-ին, Ազգային ժողովում շարունակվում են աշխատանքները: Այժմ քննարկվում է «Լուսավոր Հայաստան» խմբակցության կողմից ներկայացված Վարչական իրավախախտումների վերաբերյալ օրենսգրքում լրացում կատարելու օրենքի նախագիծը 1-ին ընթերցմամբ ընդունելու մասին հարցը:
Ինչպես ներկայացրեց «Լուսավոր Հայաստան» խմբակցության պատգամավոր Մանե Թանդիլյանը՝ վարկային միջնորդության ծառայություն առաջարկող մի շարք ֆիզիկական անձինք և կազմակերպություններ քաղաքացիներին առաջարկում են 25-30 տոկոս միջնորդավճարներ. «Նրանք որևէ ազդեցություն չունեն վարկ տրամադրելու գործընթացի վրա»:
Նրա խոսքով՝ առաջարկվում է նախատեսել տուգանք այդպիսի անձանց և կազմակերպությունների համար. «Տուգանքի չափը սահմանվում է նվազագույն աշխատավարձի 2000-ապատիկի չափով, իսկ կրկնելու դեպքում՝ 4000-ապատիկի չափով»:
Թանդիլյանի խոսքով՝ եթե այսպիսի օրենք ընդունվի, ապա հնարավոր կլինի նույնիսկ «Ֆեյսբուք»-ում ու փողոցներում արգելել նման կազմակերպությունների գովազդն ու դրա միջոցով նվազեցնել այդ մարդկանց դիմելու գայթակղությունը։
Մանրամասները՝ տեսանյութում:
