Իրանի խորհրդարանը հաստատել է ԱՄՆ-ի կողմից Իսլամական հեղափոխության պահապանների զարակազմը ահաբեկչական կազմակերպություն ճանաչելուն ի պատասխան գործողությունների մասին օրինագծի դրույթները։ Այս մասին հաղորդում է Mehr գործակալությունը։
Ըստ օրինագծի՝ Արևմտյան Ասիայում ամերիկյան ուժերը (ԱՄՆ կենտրոնական հրամանատարություն) ճանաչվել են ահաբեկչական կազմակերպություն։ Իսկ ցանկացած տեղեկատվություն՝ ֆինանսական, տեխնոլոգիական և այլ բնույթի կհամարվի աջակցություն ահաբեկչությանը։
Բացի այդ, Իրանի կառավարությունը հնարավոր իրավական և բարոյական վնասից պետք է պաշտպանի բոլոր իրավաբանական և մասնավոր անձանց, որոնք համագործակցում են ԻՀՊԶ-ի հետ՝ ինչպես երկրի ներսում, այնպես էլ դրա սահմաններից դուրս։