Կահիրեի քրեական դատարանի վճռի համաձայն՝ ժամանակավորապես դադարեցվել է լրտեսության մասին գործով նախկին նախագահ Մուհամմադ Մուրսիի և «Մուսուլման եղբայրներ» շարժման 35 առաջնորդների դեմ դատական գործընթացը: Այս մասին հաղորդում է ITAR-TASS-ը՝ վկայակոչելով տեղի ԶԼՄ-ներին:
Դատական նիստը տևել է ընդամենը 10 րոպե, որից հետո դատարանը բավարարել է լսումները դադարեցնելու մասին պաշտպանության հայցը:
Պարզվել է, որ ամբաստանյալների փաստաբանները հայց են հղել Կահիրեի վերաքննիչ դատարան՝ Մուրսիի և իսլամիստ առաջնորդների դեմ դատական գործընթացը անվավեր ճանաչելու պահանջով տվյալ դատարանի իրավասության բացակայության կապակցությամբ: Բացի այդ, փաստաբանները հայց են ներկայացրել՝ խնդրելով բավարարել հայցն ընդդեմ ձայնամեկուսիչ ապակիներ տեղադրելու, որոնց հետևում ամբաստանյալները չեն լսում, թե ինչ է տեղի ունենում դատարանի դահլիճում:
Լրտեսության մասին դատական գործը սկսվել է փետրվարի 16-ին: Մուրսին և նրա համախոհները մեղադրվում են Իրանին պետական գաղտնիք հայտնելու և արտասահմանյան կազմակերպությունների հետ դավադրության մեջ՝ երկրի ներսում ահաբեկչություններ իրականացնելու նպատակով:
