Կառավարությա կառուցվածքը գործիքակազմ է, որը պետք է ծառայի պետությանը: Այս մասին «Առաջին լրատվական»-ի հետ զրույցում նշեց կառավարման փորձագետ Սերոբ Անտինյանը անդրադառնալով կառավարության կառուցվածքային փոփոխություններին:
«Մինչև մենք չունենանք սահմանում, թե ինչպիսի պետություն ենք ուզում տեսնել՝ մենք չեն կարող խոսել կառավարության որակից: Յուրաքանչյուր ոլորտ ունի իր ռազմավարությունը: Մասնավոր օրինակի վրա պետք է ցույց տալ, թե պետության ապագայի ինչպիսի տեսլական ունենք: Այսօր մենք այդ հայեցակարգը չունենք»,-նշեց Անտինյանը:
Քաղտեխնոլոգ Վիգեն Հակոբյան էլ իր հերթին նշեց, որ մենք որպես երկիր չունենք գաղափարախոսություն․« Իզմերից մնացել է պոպուլիզմը: Կառավարության կառուցվածքային փոփոխությունը տնտեսումների նպատակ է հետապնդում: Ներդրողների համար շատ կարևոր է յուրաքանչյուր մեսիջը: Գործարարները երկրի բյուջեն են ուսումնասիրում»:
Կառավարման փորձագետի կարծիքով՝ պետությունը պետք է սահմանի որ ոլորտներն են իր համար գերակա։