Երբ ԱԺ-ում հայտնվել են մարդիկ, ովքեր օրենսդիրի հետ կապ չունեն, ովքեր երբեք որևէ օրենք չեն կարդացել՝ նրանց հետ շփումը բնականաբար դժվար է: Այս մասին «Առաջին լրատվկան»-ի հետ զրույցում նշեց ԲՀԿ խմբակցության պատգամավոր Գևորգ Պետրոսյանը:
«Մեր ուզածը այն է, որ մենք ժողովրդին հուզող հարցերին լուծումներ տանք: Այս դիլետանտ մոտեցումը սպառնալիք է մեր ազգային անվտանգությանը:Եթե երիտասարդությունը զուգորդվում է անգրագիտության հետ, դա շատ վատ է»,-նկատեց Գևորգ Պետրոսյանը:
Պատգամավորը հորդորում է հեղափոխությունը չսարքել հաղթաթուղթ․ «Հիմա արդեն պետք է անցնել դրանից, գնալ տնտեսական հեղափոխության, սոցիալական հեղափոխության: Ի՞նչ է սա՝ դիկտատուրա՞ է, թե՞ ժողովրդավարություն»: