Ռուսական բարձրաստիճան պատվիրակությունը Սիրիայից դուրս է բերել 1965թ․ մահապատժի ենթարկված, իսրայելական արտաքին «Մոսադ» հետախուզության աշխատակից Էլի Քոենի աճյունը։ Այդ մասին հայտարարել է իսրայելական «Քեշեթ» հեռուստաալիքը՝ հղում կատարելով սիրիական ընդդիմության կայքերին։
Նշվում է, որ խոսքը չհաստատված տեղեկության մասին է։ Լրագրողների հետ զրույցում իսրայելական կառավարության ներկայացուցիչները հայտարարել են, որ նրանք ոչինչ չգիտեն այդ մասին։
Էլի Քոենը սկսել է աշխատել «Մոսադում» 1960 թ․։ Նա կարողացել է մուտք գործել սիրիական կառավարության վերադասի շարքերը և 1962թ․ հարյուրավոր հեռագրեր է փոխանցել, որոնք ռազմավարական կարևոր նշանակություն ունեցող բովանդակություն են կրել։ 1965թ․ նրան բացահայտել են և հանրայնորեն կախաղան հանել։ Սիրիական իշխանությունները հրաժարվում էին ասել, թե որտեղ է գտնվում հետախույզի մարմինը։
