Այսօր Ժողովրդական կուսակցության նախագահ Տիգրան Կարապետյանից փորձեցինք հետաքրքրվել, թե ազգային ճակատ ասելով՝ ում նկատի ունի և, թե հիմա ովքեր կան այնտեղ: Բացի այդ, իր պատկերացմամբ՝ ո՞ր ուժերը կարող են լինել: Թեև նա քաղաքում չէր, բայց համաձայնեց պատասխանել մեր հարցերին, սակայն լսելով հարցը՝ առաջարկեց դիմել իրենց համակարգողին և ավելացրեց. «Ես ամբողջովին չեմ կարող ասել, և ինչի եք ցանկանում ինձանից հստակ իմանալ»: Այնուհետև Տիգրան Կարապետյանը առաջարկեց անցնել հաջորդ հարցին:
Անցում կատարելով հաջորդ հարցին՝ ասացինք, որ եթե պատկերավոր նայենք քաղաքական դասավորվածությանը, ապա երեք խաղացողներ կան՝ առաջին, երկրորդ և երրորդ նախագահները: Առաջինը՝ ՀԱԿ-ն է, իշխանությունը երրորդի հետ է, ստացվում է, որ այս երկուսից դուրս որևէ նախաձեռնություն հայտնվելու է Քոչարյանի տիրույթում: Եվ հարցրինք, թե տեսականորեն հնարավոր համարո՞ւմ է, որ այդ տիրույթը զբաղեցնի Ռոբերտ Քոչարյանը: «Մենք Քոչարյանի հետ ոչ կապ ունենք, ոչ էլ ցանկանում ենք ունենալ»:
Ամեն դեպքում հետաքրքրվեցինք նաև, թե Ռոբերտ Քոչարյանի ֆիզիկական վերադարձը քաղաքական դաշտ հավանական համարո՞ւմ է:
«Քաղաքականության մեջ ոչինչ հնարավոր չէ բացառել»,- եզրափակեց Տիգրան Կարապետյանը:
