Լուրեր
Ցեմենտը պետք է ունենա հիմնավորված գին․ դիրքը մոնոպոլ է. «Իմ քայլի» պատգամավոր

«Ցեմենտը ոչ թե պետք է կտրուկ էժանանա, այլ պետք է ունենա հիմնավորված գին, բայց հարցն այն է, որ ցեմենտը ստրատեգիական նշանակություն ունեցող ապրանք է, և հետևաբար պետությունն ինչ-որ իմաստով պետք է ուշադրություն դարձնի այդ հանգամանքին, որպեսզի վաղը մյուս օրը մենք այնպիսի վիճակում չհայտնվենք, որ չունենանք արտադրություն և հետո կապված լինենք արտաքին շուկայի թելադրանքից։ Մյուս կողմից էլ մենք գիտենք, որ ժամանակին անընդհատ չարաշահումներ են եղել, սև շուկա է գոյություն ունեցել, և դրանով է նաև պայմանավորված ցեմենտի գնի արհեստական բարձր լինելը»,- «Առաջին լրատվական»-ի հետ զրույցում ասաց ԱԺ «Իմ քայլը»խմբակցության պատգամավոր Հովիկ Աղազարյանը՝ անդրադառնալով ցեմենտի գնի իջեցման անհրաժեշտությանը։

Նրա խոսքով՝ ինքնարժեքի մեջ մեկ տոննայի համար 41․000 դրամ 20․000 դրամը էներգակիրների չափաբաժինն է, ինչը սարսափելի ցուցանիշ է, և եթե առաջին հայացքից մոտենալու դեպքում պետք է ասենք, որ մեզ պետք չէ այսպիսի արտադրություն․

«Ես մտավախություն ունեմ, որ այս գները պայմանավորված են նրանով, որ գոյություն է ունեցել շուկա, արտադրվել է ենթադրենք, 1000տոննա ցեմենտ, 500 տոննան սև շուկայում է վաճառվել, բայց մյուս 500 տոննայի վրա նստել են հոսանքի, գազի գները նստել են և ինքնարժեքը բարձր է դարձել»,-ասաց նա։

  • Դիտումներ՝ *