«Տնտեսությունը, իհարկե, կայունություն է սիրում, ինչը պետք է ապահովել ոչ թե արհեստականորեն, այլ օրենքներով, այսինքն՝ վարչական, ավտորիտար մեթոդներով կայունություն ապահովելը ոչինչ չի տա մեզ՝ դրանով միայն կվնասենք և՛ տնտեսությանը, և՛ երկրի զարգացման տեսլականին»,- «Առաջին լրատվական»-ի հետ զրույցում այսպիսի կարծիք հայտնեց «Բարգավաճ Հայաստան» խմբակցության պատգամավոր Սերգեյ Բագրատյանը:
Ուստի նա կարծում է, որ տնտեսության զարգացման լավագույն ճանապարհը հարկային օրենսդրության փոփոխություններն են, որոնց միջոցով պետք է գտնել լավագույն լուծումները՝ և՛ արտաքին ներդրումներ ներգրավելու, և՛ տնտեսվարողների ներքին մրցակցության ազատության աստիճանը բարձրացնելու համար:
Սերգեյ Բագրատյանը հարկային թեթև բեռի քաղաքականության կողմնակից է. «Ամենևին այն կարծիքին չեմ, որ դա կվնասի բյուջեի մուտքային մասին, որովհետև եթե հարկային բեռն իջեցնենք, կշատանան տնտեսվարողները, այսինք՝ դա փոխլրացվում է լրացուցիչ տնտեսվարողների ներգրավմամբ»:
Առավել մանրամասն՝ տեսանյութում:
