Համացանցում նախագահի թեկնածու, շոումեն Վլադիմիր Զելենսկու մասին նոր սկանդալային տեսանյութ է հայտնվել: Թմրամոլության սյուժեով հոլովակը Facebook-ում հրապարակել է«Տարածաշրջանների կուսակցության բոյկոտը» փաբլիքը:
Տեսանյութը սկսվում է «Նրա հետ ամեն ինչ կարգին է» գրառումով: Դրանից հետո, այն պահին, երբ նախորդ տեսանյութում Զելենսկուն հարվածում է բեռնատարը, շոումենն անցնում է ճանապարհը, իսկ բեռնատարն անցնում է նրա կողքով: Սակայն, դրանից հետո Զելենսկու վրա սպիտակ փոշով պարկ է ընկնում և հայտնվում է «Որովհետև նա կայֆի տակ է» գրառումը:
Բացի դրանից, տեսանյութում հեղինակները հարց են տալիս. «Այժմ Ավակովը բավարարվա՞ծ է», հավանաբար ակնարկելով առաջին տեսանյութից հետո, որտեղ Զելենսկուն հարվածում է բեռնատարը, ոստիկանության կողմից քրեական գործի հարուցման փաստը:
Զելենսկու թիմն ավելի վաղ հրապարակված տեսանյութի ստեղծման մեջ, որի ավարտին բեռնատարը հարվածում է Զելենսկուն, մեղադրել է Պորոշենկոյի շտաբին և այդ հարցով դիմել ոստիկանություն: Իրավապահների կողմից քրեական գործ է հարուցվել: Նախագահի թեկնածուի անվտանգությունը խստացվել է:
