Առաջիկա ընտրություններում թե՛ ՀՅԴ-ն, թե՛ «Ժառանգությունը» բաց չեն թողնի առաջադրվելու հնարավորությունը: Սակայն, դատելով այսօրվա ելույթներից և հռետորաբանությունից, երկուսն էլ իրենց թիրախ են դարձրել ոչ թե իշխանությանը, այլ ՀԱԿ-ին:
ԱԺ «Ժառանգության» խմբակցության պատգամավոր Արմեն Մարտիրոսյանից հետաքրքրվեցինք, թե առաջիկա ընտրապայքարում որպես հակառակորդ ընտրելու են ՀԱԿ-ի՞ն, թե՞ իշխանությանը։ Նա ի պատասխան արձագանքեց.
«Միանշանակորեն՝ իշխանությանը: «Ժառանգությունը», ի տարբերություն մի շարք այլ ուժերի, երբևէ ընդդիմադիր որևէ ուժի իրեն հակառակորդ, մրցակից չի համարել: Մեզ համար բոլոր ընդդիմադիր ուժերը միշտ էլ գործընկեր են եղել մինչև այժմ: Մեր քաղաքականությունը հիմնված է նրա վրա, որ մեր մրցակիցը ընտրություններում և ընդհանրապես քաղաքական պայքարում բացառապես իշխանությունն է»:
