«Պատերազմական գործողությունների հավանականությունը միշտ էլ կա։ Պարզապես մի շարք օբյեկտիվ ու սուբյեկտիվ գործողություններ իրենց դերակատարությունն ունեցան, որպեսզի Ադրբեջանը գնա նման արկածախնդրության»,-«Առաջին լրատվական»-ի հետ զրույցում ասաց Արցախի նախագահ Բակո Սահակյանի աշխատակազմի ղեկավարի տեղակալ Դավիթ Բաբայանը՝ անդրադառնալով ապրիլյան քառօրյա պատերազմին։
Մեր զրուցակիցը նշեց.«Մինչև ապրիլյան պատերազմ սկսելը Ադրբեջանը տարիներ շարունակ եռապատկել ու քառապատկել է զինադադարի ռեժիմի խախատումները, իր ագրեսիվ քաղաքականությունը։ Այսինքն երևում էր, որ իրավիճակը շիկանում է։ Բնական է, որ մենք իրավիճակը հաշվի էինք առնում ու ԶՈՒ-երը պատրաստվում էին ցանկացած պահի հակառակորդի սադրանքները կանխել»։
Դավիթ Բաբայանը շեշտեց՝ պատերազմն առանց կորուստների չի լինում.«Դա անսպիացող ցավ է, մոտ 100 զոհ ուենցանք, մինչև հիմա հիշում ենք այդ տղաներին, նրանց պայծառ կերպարները։Ապրիլյան քառօրյա պատերազմը իր առաձնահատկություններով տարբերվում էր արցախյան առաջին պատերազմից՝ օգտագործում էին անօդաչու թռչող սարքեր, հրետանի, 4 օրվա ընթացքում ավելի շատ հերտանիէ օգտագործվել, քան ամբողջ արցախյան պատերազմի ընթացքում։ Մեզ համար յուրաքանչյուր զոհ անդառնալի կորուստ է, բայց հակառակորդի կորուստները եղել են 2500-4500 մարդ։
Իրենք դա քողարկում են»։
Հարցազրույցն ամբողջությամբ՝ տեսանյութում